Në prezantimin e listës së lojtarëve që ka thirrur të lujanë kundër Armenisë dhe Shqipërisë, trajneri i Serbisë, Dick Advocaat tha se kuqezinjtë janë mjaft të fortë në mbrojtje. “Shqipëria ndaj Portugalisë zhvilloi një lojë të mirë mbrojtëse duke pritur rastin për të sulmuar. Megjithatë ekipi protugez mbetet favorit për ta mbyllur në vend të parë. Unë mendoj se grupi ynë është shumë i ekuilibruar” – tha Advocaat. Ai ka lënë jashtë kombëtares mbrojtësin e Borussia Dortmund, Neven Subotic dhe mesfushorin e Romës, Adem Ljajic, ndërsa ka afruar sulmuesin e Partizanit të Beogradit Danko Lazovic. Federata Serbe e Fitbollit ka kërkuar që ndeshjet të luhen pa tifozë por Federata Shqiptare e Futbollit ka vendosur t’i kërkojë biletat për tifozët kuqezi që do të jenë në mbështetje të ekipit në Beograd./lapsi.al/
