Shkodran Mustafi kritikon mënyrën se si Shqipëria kërkon të ndërtojë kombëtaren e futbollit. “Shqipëria duhet të gjejë futbollistë të rinj të talentuar që t’i shndërrojë në lojtarë të mëdhenj dhe jo të presë që futbollistët e formuar jashtë kufijve shqiptarë të luajnë për të” – tha ai në një intervistë për versionin online të gazetës spanjolle “Marca”. Lojtari i Valencias shpjegoi edhe arësyet përse nuk pranoi të luante për kuqezinjtë, por zgjodhi Gjermaninë, me të cilën u shpall kampion bote në Brazil. “Familja ime është shqiptare, por unë kam lindur dhe jam rritur në Gjermani. Kam luajtur në të gjitha skuadrat e moshave të Gjermanisë, që nga U-15 deri tek U-21. E dashuroj Gjermaninë pasi më ka bërë atë që jam sot. Për mua nuk ishte e vështirë zgjedhja” – u shpreh Mustafi./lapsi.al/
