Po flitet se lojtari i Real Madridit, i cili ka lënë United në vitin 2009, pas gjashtë viteve të suksesshme me ekipin spanjoll, do të kthehet në Manchester verën e ardhshme. Fansat e “djajve të kuq” po bëjnë shumë përpjekje që ta joshin portugezin që të kthehet, me pankarta të ngritura në ajër përmes një aeroplani. Një grup fansash të Manchesterit kanë paguar rreth 3,000 funte për një aeroplan, i cili do të fluturojë në lojën e Real Madridit me Villarreal të Shtunën dhe mesazhi që do të jetë i shkruar në aeroplan është “Eja në shtëpi Ronaldo.”
Udhëheqësi i grupit, Oli Grandidge, ka thënë: “Ne kemi përkrahësit tanë në çdo kontinent të botës dhe ne të gjithë jemi të bashkuar nga dashuria që kemi për Cristiano Ronaldon edhe si futbollist por dhe si person.” “Ne nuk do të ndalemi deri sa ta kthejmë Ronaldon në shtëpinë e tij.” “Anëtarët nga të gjitha anët e botës kanë dhuruar para për të arritur që ta paguajnë aeroplanin, i cili do t’i dërgojë Ronaldos një mesazh në mes të lojës, vetëm për t’i treguar Ronaldos se sa shumë Manchesteri e do dhe e përkrah.” Fansat e Manchesterit kanë bërë një gjë të tillë, pra duke dhënë mesazhe përmes një aeroplani, edhe kur kanë kërkuar largimin e David Moyes nga ekipi.
