Një lajm i mirë për të gjithë tifozët e Formula 1. 7 herë ish-kampioni i botës Michael Schumacher ka dalë sot nga spitali. Lajmi bëhet i ditur nga vetë menaxheri i kampionit, Sabine Kehm. Sipas saj mjekimi i Schumacher do të vazhdojë në ambientet e shtëpisë, duke i dhënë mundësi kështu kampionit të rikthehet në gjendje normale. “Schumacher ka bërë progres sa i takon gjendjes së tij shëndetësore, por është para një udhëtimi të gjatë dhe të vështirë” - ka bërë me dije për mediat, menaxherja e tij Sabine Kehm.
