Në Monako është hedhur shorti që ka përcaktuar grupet e Champions League. Grupet D dhe E paraqiten si më të fortët. Në Grupin D do te përplasen emra si: Arsenal, Borussia Dortmund, Galatasaray dhe Anderlecht ku do të shohim përballje interesante. Arsenal dhe Dortmund janë takuar në këtë fazë edhe sezonin e kaluar. Një grup tërheqës është edhe ai E ku bëjnë pjesë Bayern Munchen, Manchester City, CSKA Moskva dhe Roma. Bayern dhe City kanë zhvilluar takime emocionuese edhe seonin e kaluar ku ishin pjesë e të njëjtit grup. Ekipi kampion në fuqi i aktivitetit, Real Madrid është në Grupin B ku kundërshtari më i vështirë është Liverpool, por nuk mund të nënvlerësohet edhe Basel. Në këtë grup ndodhet e ekipi debutues Ludogorets Razgrad. Atletico Madrid do të përballet me Juventus si pjesë e Grupit A. Barcelona është shortuar në të njëjtin grup me Paris Saint Germain dhe Ajax. Chelsea ka Schalke si kundërshtarin më të fortë. Futbollisti më i mirë i sezonit të kaluar u përzgjodh Cristiano Ronaldo. Faza e grupeve nis më 16 shtator, ndërsa finalja do të zhvillohet në Olimpiastadion të Berlinit më 6 qershor të vitit të ardhshëm.
GRUPI A: Atletico Madrid, Juventus, Olympiacos, Malmö
GRUPI B: Real Madrid, Basilea, Liverpool, Ludogorets
GRUPI C: Benfica, Zenit, Bayer Leverkusen, Monaco
GRUPI D: Arsenal, Borussia Dortmund, Galatasaray, Anderlecht
GRUPIE: Bayern Monaco, Manchester City, Cska Mosca, Roma
GRUPI F: Barcellona, Psg, Ajax, Apoel
GRUPI G: Chelsea, Schalke 04, Sporting Lisbona, Maribor
GRUPI H: Porto, Shakhtar, Athletic Bilbao, Bate Borisov
