Napoli i ka thënë “lamtumirë” që në nisje, sezonit të Champions League. Ekipi italian u eleminua në ndeshjet play off pa mundur të kualifikohet në fazën e grupeve nga spanjollët e Atletic Bilbao me rezultatin e thellë 3-1 ndërsa takimi i parë kishte përfunduar në barazim 1-1. Një tjetër dështim për skuadrën e Benitez. Megjithëse shënuan të parët me Hamsik, napoletanët nuk mundën ta ruanin rezultatin por pësuan shumë shpejt 3 gola (dy nga Aduriz dhe një nga Ibai)
Ndryshe ka ndodhur për skuadrën tjetër të madhe që luajti mbrëmjen e së mërkurës. Arsenal u kjualifikua falë fitores minimale 1-0 ndaj turqve të Beshiktash. Goli për anglezët u shënua në minutat e fundit të pjesës së parë nga Sanchez. Takimi i një jave më parë ishte mbyllur në barazim 0-0.
Ndër skuadrat e tjera të kualifikuara në fazën në grupe bien në sy gjermanët e Bajer Leverkusen. “Aspirinat” u kualifikuan falë fitoreve bindëse 4-0 sot dhe 3-2 një javë më parë ndaj danezëve të FC Copenhagen. Kualifikim surprizë edhe për suedezët e Malmos ndaj austriakëve të Salzburg.Bullgarët e Ludogorets u kualifikuan pas gjuajtjes së penalltive.
Ndërkohë të martën u kualifikuan: Porto, Zenit Petersburg, Maribor, BATE Borisov dhe APOEL Nikosia.
REZULTATET
*Arsenal (Eng) 1 – 0 Besiktas (Tur)
*Ath Bilbao (Esp) 3 – 1 Napoli (Ita)
*Bayer Leverkusen (Ger) 4 – 0 FC Copenhagen (Den)
*Ludogorets (Bul) 1 – 0 Steaua Bucuresti (Rou) (6-5 pen)
*Malmo FF (Sëe) 3 – 0 Salzburg (Aut)
U LUAJTEN TE MARTEN
*Zenit Petersburg (Rus) 3 - 0 St. Liege (Bel)
*APOEL (Cyp) 4 - 0 Aalborg (Den)
*BATE (Blr) 3 - 0 Slovan Bratislava (Svk)
Celtic (Sco) 0 - 1 *Maribor (Slo)
*FC Porto (Por) 2 - 0 Lille (Fra)
*skuadrat e kualifikuara
