Skënderbeu e fitoi sërish Superkupën, trofeun e parë të këtij sezoni. Në finalen e luajtur në "Qemal Stafa" kundër Flamurtarit nuk pati spektakël. Fitorja erdhi nga një gol i Nimaga në minutën e 52 -të. Megjithatë, trofeu që vjen vetëm 1 javë para nisjes së Superligës është edhe një sinjal për kundërshtarët e kampionëve në fuqi: Skënderbeu mbetet ekipi për t'u mundur! Korçarët e drejtuar nga Mirel Josa ishin më kërkues. Ata rrezikuan të parët me anë të Sefës. Flamurtari e bazoi lojën e tij më së shumti tek kundërsulmi, por pa rezultat. Kjo është Superkupa e dytë radhazi që fiton Skënderbeu.
